اسلام آباد۔2فروری (اے پی پی):وزیر اعظم عمران خان چینی قیادت دی خصوصی دعوت تے سرمائی اولمپک گیمز دی افتتاحی تقریب اچ شرکت کیتے 3 توں 6 فروری 2022 تئیں چین دا دورہ کریسن ۔ کابینہ دے ارکان اتے اعلیٰ سرکاری حکام سودھے اعلیٰ سطح دا وفد وی وزیر اعظم دے رلے ہوسی ۔ترجمان دفتر خارجہ موجب ترائے ݙینھ وار دورے اچ وزیراعظم عمران خان ،صدر شی جن پنگ اتے چینی و??یر اعظم لی چیانگ نال ملاقات کریسن ۔پاکستان تے چینی رہنم?? ملاقاتاں اچ سی پیک سودھے مس??حکم تجارتی تے بالخصوص اقتصادی تعاون سودھے ݙو طرفہ تعلقا?? دے سارے پہلوواں دا جائزہ گھنسن ۔ پاکستانی اتے چینی رہنماء اہم علاقائی اتے بین الاقوامی امور تے وی وسیع پیمانے تے ڳال مہاڑ کریسن ۔وزیر اعظم بیجنگ اچ چین دے ممتاز کاروباری رہنماواں اتے چین دے سرکردہ تھنک ٹینکس، تعلیمی اداریں اتے میڈیا دے نمائندیاں نال وی ملاقات کریسن ۔ وزیراعظم ایں موقع تے ٻیاں ݙو طرفہ ملاقاتاں وی کریسن ۔ھک عالمی ایونٹ دے طور تے ، سرمائی اولمپک گیمز دا دنیا دے لوکاں دے درمیان سانجھے افہام و تفہیم، شمولیت اتے دوستی کوں ودھارا ݙیوݨ بارے اہم کردار اے ۔ بیجنگ وختی ہی اولمپک گیمز دے موسم انھالے تے پالے ݙوہیں ایڈیشن دی میزبانی کرݨ آلا پہلا شہر بݨ ویسی ۔ اے ڳال ٻہوں قابل تعریف اے جو چینی حکومت کوڈ 19 وبائی امراض دے باوجود سرمائی اولمپک گیمز دے انعقاد کیتے محتاط انتظامات کر رکھئن ۔ وزیر اعظم پاکستان دا اے دورہ پاکستان اتے چین دے درمیان شراکت داری کوں بلندیاں دی نویں سطح تئیں گھن ونڄݨ کیتے ݙو طرفہ عزم دی تجدید کریسی تے ٻہوں سارے شعبیں اچ تعاون کوں مزید تقویت ݙیسی ایں دورے دے دوران متعدد ایم او یوز اتے معاہدیں تے دستخط کیتے ویسن ۔
.jpg)
