بیلاروس دے صدر الیگزنڈر لوکاشینکو ترائے ݙینھ دے دورے تے پاکستان پڄ ڳئے، وزیراعظم شہباز شریف استقبال کیتا

Rawalpindi : Prime Minister Muhammad Shehbaz Sharif receives President of Belarus Aleksandr Lukashenko at PAF Nur Khan Air Base on 25 November 2024.

اسلام آباد۔25نومبر (اے پی پی) بیلاروس دے صدر الیگزنڈر لوکاشینکو ترائے ݙینھ دے دورے تے پاکستان پڄ ڳئن۔ وزیراعظم محمد شہباز شریف پی اے ایف نور خان ائیر بیس تے بیلاروس دے صدر دا استقبال کیتا۔ نائب وزیر اعظم اتے وزیر خارجہ اسحاق ڈار، وزیر داخلہ محسن نقوی، وفاقی وزیر اطلاعات و نشریات عطاء اللہ تارڑ اتے سینئر سرکاری حکام وی ایں موقع تے موجود ہن۔ وزیر اعظم شہباز شریف بیلا روس دے صدر دا کابینہ ارکان نال تعارف کرایا جڈانجو روایتی لباس پاتے ہوئیں ٻالاں انہاں کوں گلدستہ پیش کیتا۔ بیلاروس دے صدر وزیراعظم محمد شہباز شریف دی دعوت تے 25 توں 27 نومبر 2024 تئیں پاکستان دا دورہ کریندے پئن۔ بیلاروس دے صدر دے دورہ پاکستان اچ صدر لوکا شینکو اتے وزیر اعظم محمد شہباز شریف وچال ملاقات تھیسی اتے مختلف وفود دی سطح تے وی ڳالھ مہاڑ تھیسی۔ ایں وچال بیلاروس اتے پاکستان وچال مختلف شعبیاں اچ تعاون ودھاوݨ کیتے مفاہمتی یادداشتاں تے دستخط تھیسن۔ بیلاروس دے وزیر خارجہ دی قیادت اچ 68 رکنی اعلیٰ سطحی وفد گزریل ݙینھ پاکستان پڄیا ہئی۔

مضمون کا ماخذ : آن لائن لاٹری

متعلقہ مضامین