اسلام آباد۔17دسمبر(اے پی پی) امریکی سینٹرل کمانڈ (سینٹکام) دے سربراہ جنرل مائیکل ای کوریلا آکھیے جو پاکستان دی انسداد دہشت گردی دیاں کوششاں خطے اچ استحکام اتے سلامتی کوں برقرار رکھݨ کیتے اہم ہن ۔ علاقائی سلامتی کوں پیش آندے مشترکہ خطرات نال نبݨݨ کیتے پاکستان دے نویں آرمی چیف جنرل عاصم منیر نال رل تے کم کرݨ دے منتظر ہن، اے ھک سٹریٹجک رشتہ اے جیڑھا جو پورے خطے اچ سلامتی اتے استحکام کوں تقویت ݙٰیندے۔ اے ڳالھ سینٹکام دے سربراہ اے پی پی نال خصوصی انٹرویو اچ آکھی اے ۔ انہاں 14 توں 16 دسمبر تئیں پاکستان دا دورہ کیتا جتھاں جنرل کوریلا پاکستان دی فوجی قیادت نال ملاقاتاں کیتیاں تاں جو ݙوہیں ملکاں دے درمیان سیکورٹی تعلقات دی توثیق کیتی ونڄ سڳے۔ انہاں طورخم بارڈر کراسنگ پوائنٹ دا دورہ وی کیتا تاں جو افغانستان نال سرحد تے سیکورٹی دی صورتحال تے ڳالھ مہاڑ کیتی ونڄ سڳے ۔ سینٹکام دے سربراہ جنرل عاصم منیر اتے جوائنٹ چیفس آف سٹاف کمیٹی جنرل ساحر شمشاد مرزا نال ملاقات کیتی آپݨے دورے کوں “بہترین” قرار ݙتا۔ انہاں آکھیے میں پاکستان دی مسلح افواج دی قیادت اتے انہاں دی پیشہ ورانہ مہارت توں ٻہوں متاثر تھئے ۔ ملاقاتاں اچ اساں اہم سانجھے دفاعی مفادات تے ڳالھ مہاڑ کیتی ۔ جنرل کوریلا آکھیے جو او جنرل عاصم منیر نال آپݨے پہلے توں قائم تعلقات کوں مزید مضبوط کرݨ اچ کامیاب رہیے ۔پاکستان دے دورے پاکستان دی مسلح افواج دے مواقع تے چیلنجز بارے آگاہی ودھاوݨ تے ساݙے سیکیورٹی تعاون اچ ودھارے کیتے اہم ہن ۔ دورے دا مقصد 75 سالاں توں قائم شراکت داری اتے تعلقات کوں مزید اڳوں ودھاوݨ ہئی ۔ سینٹکام دے سربراہ پاک امریکہ تعلقات کوں مضبوط بݨاوݨ دے عزم دا اظہار کریندے ہوئیں آکھیے جو ساݙے تعلقات کوں وݙے عرصے توں امریکی مفادات اتے خطے کیتے اہم سمجھیا ویندا رہیا ۔ ھک سوال دے جواب اچ انہاں آکھیے سینٹکام امریکہ اتے پاکستان دے تعلقات کوں آپݨی ݙو طرفہ خوبیاں اتے پورے خطے اچ استحکام کوں بہتر بݨاوݨ دی صلاحیت دی نظر توں ݙیکھدے ۔ پاکستان تے امریکہ خطے اتے دنیا کیتے وسیع البنیاد تے اہم اے۔ اڄوکے علاقائی پیش رفت دے تناظر اچ انہاں آکھیے تعلقات کوں محفوظ ہووݨا چاہیدے اے خطے کیتے ٻہوں اہم اے ۔ پاکستان کوں امریکی فوجی امداد متعلق ھک سوال دے جواب اچ انہاں آکھیے ایں شراکت داری دا مقصد دفاعی صلاحیت کوں ودھاوݨاں اے اڄوکے سال مریکہ پاکستان دے ایف 16 بیڑے کوں برقرار رکھݨ تے اپ گریڈ کرݨ تے اتفاق کیتے۔ ایں بیڑے کوں برقرار رکھݨ تے اپ گریڈ کرݨا پاکستان دی فضائی طاقت کیتے اہم اے ۔ جنرل کوریلا انٹرنیشنل ملٹری ایجوکیشن اینڈ ٹریننگ (آئی ایم ای ٹی) پروگرام کیتے پاکستان کوں ݙتی ونڄݨ آلی امداد دا وی ذکر کیتا جیڑھی جو انہاں دے بقول “ݙوہیں ملکاں دی مسلح افواج کیتے فیدہ مند ہئی ۔
