اسلام آباد۔11مارچ (اے پی پی):وزیراعظم عمران خان آکھیے جو مسلح افواج ملکی دفاع دی مکمل صلاحیت رکھیندی اے، پاکستان دے پاسے کہیں میلی اکھ نال ݙٹھا تاں وݙا ضیان چیسی ، چینی ساختہ جدید لڑاکا طیارے خطے اچ سکیورٹی عدم توازن کوں ہٹاوݨ کیتے ساݙے دفاعی نظام اچ وݙا اضافہ ہن،جیویں جیویں آمدنی ودھسی تاں غربت اچ کمی اتے دفاع کوں مزید مضبوط بݨیسوں ۔معیشت مضبوط تھیندی پئی اے ، ملک دی سمت درست اے ،نظام کوں ٹھیک کریندے پیوں ٻاہر بیٹھے آپݨے باصلاحیت لوکاں کوں واپس گھن آتے انہاں دی خدمات توں فیدہ چیسن ، اے ڳالھ انہاں جمعے کوں اتھاں پاک فضائیہ اچ جدید ترین لڑاکا طیاریں جے 10سی دی شمولیت دی تقریب توں خطاب کریندے ہوئیں آکھی اے ، تقریب اچ وزیر دفاع پرویز خٹک ، وزیر خارجہ شاہ محمود قریشی ، وفاقی وزیر اطلاعات ونشریات چوہدری فواد حسین ، وفاقی وزیر دفاعی پیداوار زبیدہ جلال ، وفاقی وزیر منصوبہ بندی و ترقی اسد عمر ، وزیراعظم دے معاون خصوصی شہبازگل ،بری فوج دے سربراہ جنرل قمر جاوید باجوہ ، پاک بحریہ دے سربراہ امجد نیازی اتے پاک فضائیہ دے سربراہ ایئر چیف مارشل ظہیر احمد بابر سدھو اتے پاکستان اچ چین دے سفیرنونگ رونگ وی موجود ہن۔ وزیراعظم آکھیے تقریباً 40سال پہلے پاک فضائیہ اچ ایف ۔ 16لڑاکا طیارے جݙاں شامل کیتے ڳئے ہن تاں ملک اچ خوشی دی لہر دوڑ ڳئی ۃئی جو اساں جدید طیاریں اتے ٹیکنالوجی دے ذریعے اپݨے ملک دا دفاع کرسڳدوں ۔ہݨ جے 10سی لڑاکا طیاریں دی شمولیت تے پوری قوم کوں مبارخ ݙینداں ۔
