قوم کوں غیر ریاستی عناصر ولوں ودھ سارے خطرے دا سامنڑاں ہے ،اساڈی عوام قانون نافذ کرنڑ آلے اداریں تے پولیس ولوں نشابر قربانیاں نال دہشت گردی نال نبڑنڑ اچ مدد ملی ہے
اسلام آباد ۔ 10 نومبر (اے پی پی) وفاقی وزیر داخلہ احسن اقبال آکھیا ہے جو قوم کوں غیر ریاستی عناصر ولوں ودھ سارے خطرے دا سامنڑاں ہے ،اساڈی عوام قانون نافذ کرنڑ آلے اداریں تے پولیس ولوں نشابر قربانیاں نال دہشت گردی نال نبڑنڑ اچ مدد ملی ہے۔اصل اچ پاکستان دی تاریخ شہیداں دی رت نال لکھی گی ہے ،پولیس کوں کامیابی سانگے اپنڑے اندر دے سسٹم اچ جدید ٹیکنالوجی کوں اپناونڑاں چاہیدا ہے ،ملک دی سماجی تے معاشی ترقی تے استحکام سانگے قانون نافذ کرنڑ آلے اداریں دیاں ذمے واریاں تے کردار کلیدی اہمیت دا حامل ہے ۔او جمعے کوں اتھاں نیشنل پولیس اکیڈمی اچ اسسٹنٹ سپریٹنڈنٹ پولیس دے43 ویں خصوصی تربیتی پروگرام تے 19 ویں انیشنل کمانڈ کورس دی پاسنگ آﺅٹ پریڈ توں خطاب کریندے پے ہن ۔ پاسنگ آﺅٹ اچ 3تریمت افسراں سمیت 37 اے ایس پی دا بیج تربیت پورا کر تے فارغ تھیا ہے۔ احسن اقبال پاس آﺅٹ تھیونڑ آلے افسراںکوں مبارخ ڈیندے ہوئیں توقع ظاہر کیتی جو پاکستان دے عوام سانگے وقف کر ڈیون ۔انہاں دی بہترین تے کامیاب کیریئر سانگے دعا کریندے ہوئیں عوام کوں انہاں توں بہوں ساریاں توقعات وابستہ ہن تے عوام دا جائزہ مطالبہ ہے انہاں دی خدمات ترقی یافتہ ملکاں دی پولیس دے اداریں دی طرز تے تھیونڑیں چاہیدی ہے ۔ وزیر داخلہ آکھیا جو اساں پاکستان دے روشن مستقبل تے بقا کوں یقینی بنڑاونڑ سانگے 60ہزار جاناں دا نذرانہ ڈتا ہے جڈں جو ارباں ڈالر دا املاک تے انفرا سٹرکچر دا ضیان برداشت کیتا ہے ۔ نیشنل پولیس اکیڈمی دے کمانڈنٹ نسیم الزمان وی شرکا توں خطاب کیتا ۔ بعد اچ وفاقی وزیر داخلہ احسن اقبال کمانڈنٹ این پی اے دے نال پریڈ دا معائنہ کیتا جڈاں جو پولیس دے چاک و چوبند دستے انہاں کوں سلامی ڈتی ۔ وزیر داخلہ اکیڈمک ‘ فزیکل ٹریننگ ‘ ڈسپلن اتے فائرنگ دے مختلف شعبہ جات اچ نمایاں پوزیشن حاصل کرنڑ آلے افسراں اچ انعام وی ونڈیے ۔ تقریب اچ کوئٹہ بم دھماکے دے شہیداں سانگے فاتحہ خوانی اتے زخمیاں دی وختی چنگی صحت سانگے دعا وی کرائی گی ۔
