وزیراعظم عمران خان سکردو انٹرنیشنل ایئرپورٹ دا افتتاح کرݙتا ، مائونٹین ٹورزم دے ودھارے نال غیرملکی زرمبادلہ آسی اتے مقامی آبادی دا میعار زندگی اچا تھیسی ، وزیراعظم دا ٹویٹ

APP29-161221 SKARDU: December 16 - Prime Minister Imran Khan inaugurating the Expansion and Upgradation of Skardu Airport for International Flight Operation. APP

سکردو۔16دسمبر (اے پی پی):وزیراعظم عمران خان خمیس کوں اتھاں سکردو ایئرپورٹ دی انٹرنیشنل آپریشن کیتے توسیع اتے اپ گریڈیشن دے کم دا افتتاح کرݙتا۔ وزیراعظم آپݨے ٹویٹ اچ آکھیے جو سکردو انٹرنیشنل ایئرپورٹ دا افتتاح کرݙتے ، ان شاء اللہ اے مائونٹین ٹورزم کوں ایجھی سطح تے گھن تے ویسی جتھاں ملک کیتے غیرملکی زرمبادلہ آسی تے مقامی آبادی دا میعار زندگی اچا تھیسی ۔ انہاں آکھیے جو میں پرتپاک خیرمقدم تے سکردو دے عوام دا شکر گزار ہاں۔ ایندے توں پہلے وزیراعظم ایں منصوبے دا افتتاح کرݨ سکردو پڄے تاں گلگت بلتستان دے روایتی لباس اچ ملبوس ݙو نکے ٻالاں وزیراعظم کوں گلدستہ پیش کیتا۔ ایں موقع تے وفاقی وزیر ہوا بازی غلام سرور خان، وزیراعلیٰ گلگت بلتستان خالد خورشید اتے بئے وی موجود ہن ۔ وزیراعظم ایں موقع تے جگلوٹ سکردو روڈ دی تختی دی نقاب کشائی کرتے ایندا افتتاح وی کیتا جݙاں جو وزیراعظم کوں ایں مںصوبے دے حوالے نال بریفنگ وی ݙتی ڳئی ۔ وفاقی وزیر مواصلات مراد سعید وزیراعظم کوں جگلوٹ سکردو روڈ دے حوالے نال بریفنگ ݙتی ۔ وزیراعظم سکردو ایئرپورٹ تے ٻوٹا وی لاتا ۔

مضمون کا ماخذ : میگا سینا آن لائن

متعلقہ مضامین